අප්‍රේල් 1 වන දින සිට 13 වන දින දක්වා සතොස අලෙවිසැල් හරහා බෙදා දීමට නියමිතව තිබූ සහන මල්ල අත් හි‍ටුවීමට මැතිවරණ කොමිෂන් සභාව දැනුම් දී තිබෙනවා.
අස්වැසුම ප්‍රතිලාභ අපේක්ෂා කරන ලක්ෂ අටක පමණ පිරිසකට මෙම සහන මල්ල ලබා දීමට අපේක්ෂා කර තිබුණා. රුපියල් 2500කට ලබා දෙන මෙම සහන මල්ලෙහි නියම වටිනාකම රුපියල් 5000ක්.
මෙම සහන මල්ල පළාත් පාලන මැතිවරණය අවසන් වූ පසු බෙදා දිය හැකි බවයි මැතිවරණ කොමිෂන් සභාව විසින් ලිඛිතව දන්වා ඇත්තේ.
