පළාත් පාලන ඡන්දය සඳහා භාර දුන් නාම යෝජනා ප්‍රතික්ෂේප කිරීමට එරෙහිව පිළිගත් දේශපාලනය පක්ෂ හා ස්වාධීන කණ්ඩායම් විසින් රිට් පෙත්සමක් ගොනු කර තිබූ අතර එය අද (04) අභියාචනාධිකරණයේ දී විභාගයට ගනු ලැබුවා.
ඒ අනුව ප්‍රතික්ෂේප කෙරුණු නාම යෝජනා පත්‍ර 37කට ආසන්න සංඛ්‍යාවක් යලි භාර ගන්නා ලෙස අභියාචනාධිකරණය අද අදාළ තේරීම් භාර නිලධාරීන්ට නියෝග කර තිබෙනවා.
මෙසේ නැවත භාරගන්නා ලෙස නියෝග නිකුත් කර ඇත්තේ සාම විනිසුරුවරුන් විසින් සහතික කිරීමේ දී ඇතිවූ ගැටලු, දිවුරුම සම්බන්ධයෙන් ඇතිවූ ගැටලු මත ප්‍රතික්ෂේප කෙරුණු නාම යෝජනා පත්‍ර 37 කට ආසන්න සංඛ්‍යාවක්.
එසේම උප්පැන්න සහතික වල ඡායා පිටපත් ඉදිරිපත් කිරීම සම්බන්ධයෙන් ප්‍රතික්ෂේප කෙරුණු නාම යෝජනා යළි භාරගන්නා ලෙස නියෝගයක් නිකුත් කරන්නැයි ඉල්ලා ගොනු කර තිබූ පෙත්සම් තුනක් අධිකරණය විසින් නිෂ්ප්‍රභ කරනු ලැබුවා.
