ඊයේ මධ්‍යම රාත්‍රියේ සිට ඉන්ධන මිල සංශෝධනය වූ අතර ඉන්ධන නව මිල පහත පරිදි වෙනස්වනු ලැබුවා.
ඔක්ටේන් 92 පෙට්‍රල් ලීටරයක මිල රුපියල් 10කින් පහත දමා ඇති අතර නව මිල රුපියල් 299.00කි.
ඔක්ටේන් 95 පෙට්‍රල් ලීටරයක මිල රුපියල් 10කින් පහත දමා ඇති අතර නව මිල රුපියල් 361.00කි.
නමුත් සුදු ඩීසල් සහ සුපිරි ඩීසල් මිලෙහිද භූමිතෙල් මිලෙහිද වෙනසක් සිදුව නැහැ. ඒ අනුව සුදු ඩීසල් ලීටරයක මිල 286.00ක් ලෙසත් සුපිරි ඩීසල් ලීටරයක මිල රුපියල් 331.00ක් ලෙසත් භූමිතෙල් ලීටරයට මිල රුපියල් 183.00ක් ලෙසත් සඳහන් වනවා.
මේ අතර, සමස්ත ලංකා අන්තර් පළාත් පාසල් ළමුන් ප්‍රවාහන සංගමය පවසා ඇත්තේ ඩීසල් මිල සඳහා සහනයක් නොලැබුණහොත් පාසල් ළමුන් ප්‍රවාහන සේවාවෙන් ඉවත් වීමට සිදු වනු ඇති බවයි.
එසේම පෙට්‍රල් මිල අඩු වුවඩ්ග ත්‍රිරෝද රථ ගාස්තුවේ සංශෝධනයක් සිදුකිරීමට නොහැකි බව බස්නාහිර පළාත් ත්‍රිරෝද රථ රියදුරන්ගේ හා හිමිකරුවන්ගේ සංගමය පවසා තිබෙනවා. ගාස්තු නිර්ණය කිරීමේ විධිමත් ක්‍රමවේදයක් නොමැති වීම නිසා රට පුරා ධාවනය වන ත්‍රීරෝද රථ සඳහ විවිධ ගාස්තු මුදල් අය කරන බවත් ත්‍රිරෝද රථ ගාස්තු අඩු කිරීමට වඩා විධිමත් නියාමනයක් තුළින් වඩාත් ඵලදායි සේවාවක් මහජනතාවට ලබාදීමට රජය මැදිහත් විය යුතු බවත් එම සංගමය පෙන්වා දෙනවා.
මේ අතර ලංකා පෞද්ගලික බස්රථ හිමියන්ගේ සංගමයේ සභාපති ගැමුණු විජේරත්න පවසන්නේ ජූලි මාසයේ අනිවාර්යෙන්ම බස් ගාස්තු සැලකිය යුතු ප්‍රමාණයකින් වැඩි වෙන බවයි. මේ වනවිටත් රුපියල් 03ක පාඩුවකින් බස්රථ ධාවනය කරන බවයි ඔහු පවසා ඇත්තේ.
