නව තීරු බදු ලැයිස්තුවක් එළිදක්වමින් ජනාධිපතිවරයා ලොව පුරා රටවල් 60කට වැඩි ප්‍රමාණයක් සඳහා මෙම තීරු බදු පනවනු ලැබූ අතර එය හෙට (05) දිනයේ සිට ක්‍රියත්මකවනවා.
මෙලෙස තීරු බදු පැනවීමක් සිදු කර ඇත්තේ අමෙරිකාවේ වෙළෙඳ අසමතුලිතතාවය පාලනය කිරීම සහ අමෙරිකානු කර්මාන්ත ධෛර්යමත් කිරීමේ අරමුණින්.
මේ අනුව සියලුම ආනයන සඳහා සියයට 10ක තීරු බද්දක් ඇතුළත් වන අතර අමෙරිකා එක්සත් ජනපදය සමග වෙළෙඳ අතිරික්තයක් පවත්වාගෙන යන රටවල් සඳහා ඉහළ තීරු බද්දක් පනවා තිබෙනවා.
ඒ අනුව ලොව වැඩිම තීරුබදු පැනවූ පළමු රටවල් පහ අතරට ලංකාව ද ඇතුළත් වුණා. ඇමරිකාව විසින් ලංකාවට පැනවූ තීරු බදු ගාස්තුව 44%ක්. කාම්බෝජයට 49% ක, වියට්නාමයට 46%ක, බද්දක් පනවා තිබුණා. එසේම බංග්ලාදේශයට 37%ක, තායිලන්තයට 36%ක, චීනයට 34%ක, ඉන්දියාවට 26%ක තීරු බද්දක් පනවා ඇති අතර යුරෝපීය සංගමයට20%ක තීරු බද්දක් පනවා තිබුණා.
ශ්‍රී ලංකාවෙන් ආනයනය කරන භාණ්ඩ සඳහා 12.2%ක තීරු බදු පැනවීමක් මෙතෙක් ඇමරිකාව විසින් සිදු කර තිබූ අතර මෙම නව බදු පැනවීමත් සමඟම මෙරට අපනයන ක්ෂේත්‍රයට දැඩි බලපෑමක් එල්ලවනු ඇති බව ආර්ථික විශේෂඥයින් පවසා තිබෙනවා.
මෙම නව තීරු බදු පැනවීම සම්බන්ධයෙන් පැහැදිලි කිරීමක් කම්කරු සහ ආර්ථික සංවර්ධන නියෝජ්‍ය අමාත්‍ය අනිල් ජයන්ත ප්‍රනාන්දු මහතා විසින් සිදු කර ඇති අතර එහි සම්පූර්ණ වීඩියෝව පහතින්.
