මරදගහමුල සහල් අලෙවි මධ්‍යස්ථානයේ අද මේ වන විට ක්‍රියාත්මක වන්නේ සහල් අලෙවිසැල් 4ක් පමණක් බව මරඳගහමුල සහල් තොග වෙළද සංගමයේ සභාපති බී.කේ. රංජිත් පවසා තිබෙනවා.
එම අලෙවි මධ්‍යස්ථානය අලෙවිසැල් 56කින් සමන්විතවනවා. දේශීය සහල් තොග නිසි පරිදි නොලැබීම හේතුවෙන් මරදගහමුල සහල් වෙළෙඳුන් දැඩි අසීරුතාවයකට පත්ව ඇති බවයි සභාපතිවරයා වැඩි දුරටත් පවසා ඇත්තේ.
මෙරට පැවති සහල් හිඟයට විසඳුමක් වශයෙන් පසුගිය 04 වනදා සහල් ආනයනයට රජය විසින් අවසර ලබා දුන් අතර එහිදී පෞද්ගලික අංශය විසින් ආනයනය කර තිබූ සහල්වලින්, සහල් මෙට්‍රික් ටොන් 40,500ක් රේගුව විසින් නිදහස් කරනු ලැබුවා. ඉන් මෙට්‍රික් ටොන් 23,000ක් නාඩු සහල් වන අතර මෙට්‍රික් ටොන් 17,500ක් කැකුළු සහල් වනවා.
මේ අතර පසුගිය දින 10ක කාලය තුළ පාරිභෝගික අධිකාරිය විසින් වැඩි මිලට සහල් අලෙවි කරන ස්ථාන පිළිබඳව වැටලීම් 578ක් සිදු කර ඇති බව වාර්තා වනවා.
