රටවිරු දූ දරු ශිෂ්‍යත්වය සදහා අයදුම්පත් කැඳවීම දෙසැම්බර් මස 31වනදායින් අවසන් වන බව ශ්‍රී ලංකා විදේශ සේවා නියුක්ති කාර්යාංශය නිවේදනය කර තිබෙනවා.
ශ්‍රී ලංකා විදේශ සේවා නියුක්ති කාර්යාංශයේ ලියාපදිංචිව රැකියා සදහා විදේශගතව සිටින ලාංකික මව්පියන්ගේ දරුවන් වෙනුවෙන් මෙම ශිෂ්‍යත්වය පිරිනමනවා. එම ශිෂ්‍යත්ව කාණ්ඩ තුනක් යටතේ පිරිනැමීමට නියමිතව තිබෙනවා.
5 වසර ශිෂ්‍යත්ව විභාගය සමත් දරුවන්ට මුදලින් රුපියල් 25,000ක්, සාමාන්‍ය පෙළ විභාගය සමත් දරුවන්ට රුපියල් 30,000ක් සහ උසස් පෙළ විභාගය සමත් විශ්ව විද්‍යාල සුදුසුකම් ලැබූ හෝ වෙනත් පාඨමාලා සහ කාර්මික විද්‍යාල සදහා සුදුසුකම් ලබා ඇති දරුවන්ට රුපියල් 40,000ක් ලෙස මෙම ශිෂ්‍යත්ව පිරිනැමීමට නියමිතයි.
www.slbfe.lk වෙබ් අඩවියට පිවිසීමෙන් මාර්ගගත ක්‍රමය ඔස්සේ (Online) සුදුසුකම් ඇති දරුවන්ට මේ සඳහා අයදුම්පත් යොමු කල හැකියි.
වැඩිදුර විස්තර 011 2365471 යන දුරකථන මාර්ගය ඔස්සේ දැනගත හැකි බව ශ්‍රී ලංකා විදේශ සේවා නියුක්ති කාර්යාංශය පවසනවා.
