අස්වැසුම සුබසාධන ප්‍රතිලාභ්හ ගේවීම් යෝජනා ක්‍රමයේ පළමු අදියර යටතේ සුදුසුකම් ලැබූ ප්‍රතිලාභී පවුල් 212,423කට මෙතෙක් ගෙවීමට ඇති හිඟ මුදල් ප්‍රමාණය වූ රු.1,314,007,750ක මුදල අද (27) දින අදාළ ප්‍රතිලාභීන්ගේ අස්වැසුම ප්‍රතිලාභී බැංකු ගිණුම් වෙත ගිණුම්ගත කිරීමට සුබසාධන ප්‍රතිලාභ මණ්ඩලය විසින් පියවර ගෙන තිබෙනවා.
ඒ අනුව, අදාළ ප්‍රතිලාභීන්ට මෙම හිඟ මුදල් අද (27) දින සිට තමාගේ අස්වැසුම ප්‍රතිලාභී බැංකු ගිණුමෙන් ලබා ගත හැකි බව මුදල්, ක්‍රමසම්පාදන සහ ආර්ථික සංවර්ධන අමාත්‍යාංශය විසින් නිවේදනය කර තිබෙනවා.
