අයහපත් කාලගුන තත්ත්වය හේතුවෙන් තාවකාලිකව නතර කර තිබූ අ.පො.ස උසස් පෙළ විභාගය හෙට සිට (04) යළි ආරම්භ කිරීමට නියමිතව තිබෙනවා. පසුගිය මස 25 වන දා ආරම්භ කෙරුණු මෙම විභාගය අයහපත් කාලගුණය හේතුවෙන් දින 06ක කාලසීමාවක් සඳහා අත් හි‍ටුවනු ලැබුවා.
කෙසේ වෙතත් තවමත් තමන්ගේ විභාග මධ්‍යස්ථාන වෙත යාමට නොහැකි අපේක්ෂකයින්ට ළඟම මධ්‍යස්ථානයේ දී උසස් පෙළ විභාගයට පෙනී සිටීමට හැකියාව ඇති බවයි විභාග කොමසාරිස් ජනරාල්වරයා සඳහන් කර ඇත්තේ.හෙට දිනයේ දී මීට පෙර සැළසුම් කර තිබූ පරිදි එම දිනට අදාළ විෂයන් පැවැත්වෙන අතර විභාගය නෝපැවැත්වූ දිනවල පැවති විෂයන් මේ මස 21 වනදා සිට 31 දක්වා පැවැත්වීමටයි සැලසුම් කර ඇත්තේ.
