ඊයේ (08) රාත්‍රියේ ඇදහැලුනු අධික වර්ෂාවත් සමග මහනුවර ඩී. එස්. සේනානායක විද්‍යාලයේ විශාල බැම්මක් කඩා වැටී පන්ති රැසකට හානි සිදු වී ඇති බව වාර්තාවනවා.
තවත් පන්ති 27ක් ද දැඩි අවදානමක පවතින බවයි එම පාසලේ විදුහල්පතිවරයා පවසා ඇත්තේ.
ප්‍රාථමික අංශයේ සියලු පන්ති සහ තවත් පන්ති රැසක් මේ ආකාරයෙන් අවදානමට ලක්ව ඇති බවයි පැවසෙන්නේ.
කෙසේ වෙතත් ලබන සඳුදා සිට බලධාරීන්ගේ උපදෙස් අනුව පාසලේ අධ්‍යාපන කටයුතු සිදුකිරීම සම්බන්ධයෙන් තීරණය කරන බව විදුහල්පතිවරයා පවසනවා.
