අල්ලස් වශයෙන් රුපියල් 50000/- ක මුදලක් ඉල්ලා එය ලබා ගැනීමේ චෝදනාව ලැබ ඉන් වරදකරු වී වසර හතරක සිරදඬුවම් නියම වී සිටි හිටපු නියෝජ්‍ය අමාත්‍යවරයෙකුගේ දඬුවම අභියාචනාධිකරණය විසින් අද (05) තහවුරු කර තිබෙනවා.
කාන්තාවකට රැකියාවක් ලබා දීම සඳහා මෙසේ මුදල් අල්ලස් ලබා ගැනීමේ චෝදනාවට බරපතළ වැඩ සහිත වසර 04 ක සිර දඬුවමක් නියම වී සිටියේ හිටපු නියෝජ්‍ය අමාත්‍ය ශාන්ත ප්‍රේමරත්නයි.
එම දඬුවමින් තමන්ව නිදොස් කොට නිදහස් කරන ලෙස ඉල්ලා හිටපු නියෝජ්‍ය අමාත්‍යවරයා විසින් ඉදිරිපත් කල අභියාචනාව අභියාචනාධිකරණ විනිසුරු මඩුල්ල විසින් අද ප්‍රතික්ෂේප කරනු ලැබුවා.
