පානදුර ප්‍රදේශයේ ගොඩනැගිලි පහක් එකවර කඩා වැටීමේ පුවතක් අද (30) වාර්තා වුණා. පානදුර ප්‍රදේශයේ ජනප්‍රිය මාවතේ තිබූ පැරණි ගොඩනැගිලි පහක් මෙසේ කඩා වැටී තිබෙනවා.
මෙම ගොඩනැගිලි තුළ දන්ත ශල්‍යාගාරයක්, රෙදිපිළි අලෙවිසැලක් සහ තවත් වෙළඳසැල් කිහිපයක් ද පවත්වාගෙන ගොස් තිබෙනවා.
ගොඩනැගිලි ආසන්න ප්‍රදේශයේ කානු පද්ධතිය සකස් කිරීම සඳහා යොදවා තිබූ බැකෝ යන්ත්‍ර හේතුවෙන් ඇති වූ දෙදරීම මත මෙම ගොඩනැගිලි කඩා වැටීමට හේතු වූ බවයි ප්‍රදේශවාසීන් පවසන්නේ.
කෙසේ වෙතත් මෙම සිද්ධියෙන් කිසිවෙකුත් අනතුරට පත්ව නැති බවයි වාර්තා වන්නේ.
