රඹුක්කන විරොධතාවය මැඩ පැවැත්වීමට අවම බලය භාවිතා කර දණහිසෙන් පහළට වෙඩි තබන ලෙස තමන් අණ ලබා දුන් බව කැගල්ල ජ්‍යෙෂ්ඨ පොලිස් අධිකාරි කේ.ඒ. කිර්තිරත්න පිළිගෙන තිබෙනවා. මහේස්ත්‍රාත් අධිකරණයේදි මහේස්ත්‍රාත්වරිය ඉදිරියේ සාක්ෂි දෙමින් ඔහු මේ බව ප්‍රකාශ කර තිබෙනවා. විරෝධතාවය මැඬ පැවැත්වීමට විශාල පරිශ්‍රමයක් දැරූව ද එය මැඩලීමට අපෝහසුවීම සහ මහජන ජීවිත බේරා ගැනීමටත් දේපල ආරක්ෂා කර ගැනීමටත් තමන් දණහිසෙන් පහළට වෙඩි තැබීමට අණ දුන් බව ඔහු පවසා තිබෙනවා.
නමුත් පොලිස්පති සී ඩි වික්‍රමරත්න ඊයේ මානව හිමිකම් කොමිසම ඉදිරියේ ප්‍රකාශ කර ඇත්තේ මහජන විරෝධතාවලට වෙඩි තැබීමට තමන් උපදෙස් දී නැති බවයි.
