ශ්‍රී ලංකාවේ පවතින අර්බුදය විසඳා ගැනීමට තවත් ඩොලර් බිලියන දෙකක ණය මුදලක් ලබා දීමට ඉන්දියාව කැමැත්ත පළ කර තිබෙනවා.
මේ වන විට ශ්‍රී ලංකාව අමෙරිකානු ඩොලර් බිලියන 1.9ක ණය මුදලක් ද ඉන්දියාවෙන් ලබා ගෙන ඇති අතර ඉන්ධන සඳහා ඩොලර් මිලියන 500ක ණය මුදලක් ද ඉන්දියාවෙන් ලබා ගෙන ඇති බවට වාර්තා වනවා.
ණය ගෙවීම් පැහැර හැරීම සම්බන්ධයෙන් කණස්සල්ලෙන් පසු වුව ද තවදුරටත් ශ්‍රී ලංකාවට ණය ලබා දෙන බවයි ඉන්දියාව පවසා ඇත්තේ.
එසේම චීනයට වඩා ණය ලබා දීම සම්බන්ධයෙන් පෙරමුණ ගැනීමට අපේක්ෂා කරන බව ද ඉන්දියාව පවසා ඇති බව සඳහන්.
