ලිට්‍රෝ ගෑස් සමාගම විසින් මෙරටට ගෙන්වන ලද ගෑස් අඩංගු නෞකා දෙකෙහි ඇති ගෑස් ගොඩබෑමට පාරිභෝගික සේවා පිළිබඳ අධිකාරිය විසින් අවසර ලබා නොදීම නිසා එම නෞකා ශ්‍රී ලංකාවට ආසන්න මුහුදේ නැංගුරම් ලා තිබුණා. එසේ ගෑස් ගොඩබෑමට අවසර ලබා නොදුන්නේ ඒවායේ ප්‍රොපේන් සහ බියුටේන් සංයුතිය නියමිත ප්‍රමිතියට පවතින බවට ශ්‍රී ලංකා ප්‍රමිති ආයතනය ඇතුළු කණ්ඩායම් කිහිපයක් සිදු කල පරීක්ෂණවලින් අනාවරණය වී තිබුණත් එහි “එතිල් මර්කැප්ටන්” නැමැති රසායනික ද්‍රව්‍ය නියමිත ප්‍රමාණයෙන් අඩංගු නොවන බව අනාවරණය වීම හේතුවෙන්.
නමුත් (17) ඊයේ දිනයේ දී මෙම නෞකා දෙකෙන් දෙවන වරට පැමිණි නෞකාවේ ඇති ගෑස් ගොඩ බෑමට පාරිභෝගික සේවා පිළිබඳ අධිකාරිය විසින් නැවත අවසර ලබා දී ඇති බවයි වාර්තා වන්නේ.
