මෙරට වෙළඳපොලේ ඇති පොල්තෙල්වල ගුණාත්මකභාවය සම්බන්ධයෙන් පසුගිය කාලයේ දැඩි කතාබහක් මතු වී තිබුණා. ඒ අනුව ගුණත්මකභාවයෙන් යුත් පොල්තෙල් හඳුනාගැනීම සඳහා තරු පහකින් යුත් ලාංඡනයක් ද හඳුන්වා දෙනු ලැබුවා. නවතම තොරතුරු වාර්තා කරන්නේ පොල් සංවර්ධන අධිකාරිය විසින් වෙළඳපොලේ පොල්තෙල් විකිණීම සම්බන්ධයෙන් නීති රීති සංශෝධනය කරමින් පවතින බවයි. ඒ අනුව ඇසුරුම් කරන ලද පොල්තෙල් පමණක් වෙළඳපොලේ විකිණීමට අදාළ නීති සකස් කරමින් පවතින බවයි ආරංචි මාර්ග වැඩි දුරටත් පවසන්නේ.
පොල් සංවර්ධන අධිකාරිය විසින් හඳුන්වා දී ඇති තරු 5 ලාංඡනය සහිත පොල්තෙල් පමණක් මිල දී ගැනීම මඟින් පොල්තෙල් පරිභෝජනය පිළිබඳව ජනතාවට විශ්වසයක් ඇති කර ගත හැකි බවයි පොල් සංවර්ධන අධිකාරිය පෙන්වා දෙන්නේ.
