කොවිඩ් රෝගීන්ගේ ජීවිත බේරාගැනීමට ලබා දෙන ''REGEN-COV"නැමති ඖෂධය දේශපාලන බලපෑම් හේතුවෙන් මෙරටට ගෙන්වීමේ අවස්ථාව අහිමි වී ගොස් ඇති බව ආරංචි මාර්ග සඳහන් කරනවා. මෙම ඖෂධය මෙරටට ගෙන්වීමට සෞඛ්‍ය බලධාරීන්ගේන් පෞද්ගලික සමාගමක් විසින් අනුමැතිය ඉල්ලා තිබුණා. ඒ අනුව සෞඛ්‍ය බලධාරීන්ගෙන් අනුමැතිය ඒ සඳහා හිමිව තිබූ නමුත් එම අනුමැතිය දේශපාලන බලපෑම් මත අවලංගු කර ඇති බවටයි වැඩි දුරටත් වාර්තා සඳහන් කරන්නේ. ''REGEN-COV'' නැමැති මෙම ඖෂධයට මේ වන විට ඉන්දියාව, ජපානය, අමෙරිකාව ආදී රටවල් රැසක් අනුමැතිය ලබා දී ඇති අතර එමඟින් කොවිඩ් ආසාදිත රෝගීන්ගේ ජීවිත අවදානම 81%කින් අඩුවන බවයි පරීක්ෂණවලින් අනාවරණය වී ඇත්තේ. ''REGEN-COV'' දැඩි අසාධ්‍ය රෝගීන්ට ලබා දීමෙන් පවා එය 31%ක සාර්ථකත්වයක් පෙන්වා තිබෙනවා.
අමෙරිකාවේ හිටපු ජනාධිපති ඩොනල්ඩ් ට්‍රම්ප්ට කොවිඩ් වෛරසය ආසාදයන වී සිටිය දී සංකූලතා ඇති වුවද මෙම ''REGEN-COV'' ඖෂධය ලබා දීමෙන අනතුරුව ඔහු සුවය ලබා තිබුණා. ඒ අවස්ථාවේ දී මෙම ඖෂධය පැවතියේ සායනික පරීක්‍ෂණ මට්ටමේයි. ඩොනල් ට්‍රම්ප් සුවය ලැබීමෙන් අනතුරුව ඔහු විසින්ම ''REGEN-COV'' ඖෂධය පිළිබඳව ලොවට අනාවරණය කරනු ලැබුවා. පසුව ''REGEN-COV'' සඳහා ලොව බොහෝ රටවල් රැසක අනුමැතිය හිමි වුණා.
