ඒ අනුව හලාවත මහ රෝහලේ අධ්‍යක්ෂකවරයා දැනුම් දී ඇත්තේ වෛද්‍යවරියට ඇගේ පෞද්ගලික වාහනයෙන් හලාවත රෝහලට පැමිණෙන ලෙසයි. නමුත් වෛද්‍යවරිය රෝහලට පැමිණ ඇත්තේ කුලියට ලබාගත් වාහනයක් භාවිතා කරමින්.
ඇය කුලී රථ රියදුරුට ඒ බව නොදන්වා ඇති බව වාර්තා වනවා. වෛද්‍යවරිය ලබා ගත් දුරකතන ඇමතුම් පිළිබඳව සැක සිතී කුලී රථ රියදුරු කිහිප වතාවක්ම ඇයට කොවිඩ් ආසාදිත දැයි විමසා ඇතත් ඇය එය ප්‍රතික්ෂේප කර තිබෙනවා. වෛද්‍යවරිය ඒ අවස්ථාවේ දී සෞඛ්‍ය ආරක්ෂිතව හැසිරී නොමැති අතර මුඛ ආවරණයක් ද පැළඳ නොසිටි බව අනාවරණය වී තිබෙනවා.
මෙම වෛද්‍යවරිය හලාවත රෝහලට පැමිණෙන අවස්ථාවේ දීම 'රැපිඩ් ඇන්ටිජන්' පරීක්ෂණය සිදු කර ඇයට කොවිඩ් 19 වෛරසය වැළඳී ඇති බව තහවුරුකරගෙන තිබෙනවා.
වෛද්‍යවරිය රෝගී තත්ත්වයෙන් පසුවන බැවින් එම අවස්ථාවේ දී මේ පිළිබඳව ප්‍රකාශයක් ලබා නොගත් බවත් ඇය සුව වී පැමිණි පසු වහා ප්‍රකාශයක් ලබාගෙන නීතිමය පියවර ගැනීමට කටයුතු කරන බවත් හලාවත මහ රෝහලේ අධ්‍යක්ෂකවරයා පවසනවා.
