මිනුවන්ගොඩ ඇඟලුම් ආයතනයේ සේවක සේවිකාවන් දිවයින පුරා ප්‍රදේශවලට ගොස් ඇති බැවින් සමාජයෙන් කොරෝනා රෝගීන් වාර්තා වීමේ ඉතා ඉහළ අවදානමක් ඇති බවයි හමුදාපතිවරයා පවසන්නේ.
මේ නිසා සියළුම පුද්ගලයින් තමන් ආසාදිතයෙක් නොවීමට වගබලා ගත යුතු බව ඒ මහතා වැඩි දුරටත් කියා සිටිනවා.
එසේම රජයේ වෛද්‍ය නිලධාරීන්ගේ සංගමය පවසන්නේ මිනුවන්ගොඩ ඇඟලුම් කර්මාන්තශාලාවේ කොරෝනා පොකුර විශාල වීමේ ඉහළ අවදානමක් ඇති බවයි. රෝහල් පද්ධතිය තුළ ඉඩ පහසුකම් නොමැති වීම හේතුවෙන් මෙම තත්ත්වය ඉතා බැරෑරුම් විය හැකි බව එම සංගමය පවසනවා.
ඉදිරි පැය 24 තීරණාත්මක විය හැකි බවත් කොරෝනා ආසාදිතයින්ගේ අදාළ ආශ්‍රිතයින් සියළුම දෙනා ඉක්මණින් කොරෝනා වෛරස පරීක්ෂාවට යොමු කළ යුතු බවයි.
