තැපැල් සේවා හා ජනමාධ්‍යවේදී වෘත්තීය සංවර්ධන රාජ්‍ය අමාත්‍යාංශයේ ඉදිරි සැලසුම් පිළිබඳව ජනාධිපති කාර්යාලයේ පැවති හමුවවකදී මේ බව සාකච්ඡා කර තිබෙනවා.
එසේම නාලිකාවන් හි ඉල්ලීම මත විදේශ ටෙලි නාට්‍ය විකාශනයේ දී අය කෙරෙන බදු කොවිඩ් කාල සීමාවේ දී ඉවත් කල නමුත් නැවතත් එය සක්‍රීය කිරීමට එහිදී තීරණය විය.
එසේම සමස්ත දිවයිනම ආවරණය වන පරිදි රූපවාහිනී නාළිකා ප්‍රේක්ෂක ප්‍රතිචාර මත ශ්‍රේණිගත කිරීමටද සැලසුම් කර තිබෙනවා. මේ සඳහා කැළණිය විශ්ව විද්‍යාලය සහභාගී කරවා ගැනීමටත් එය අපක්ෂපාතීව සිදු කිරීමටත් මේවන විට සැලසුම් කර ඇති බව සඳහන්. ඊට අවශ්‍ය ප්‍රතිපාදන කඩිනමින් වෙන් කර එය හැකි ඉක්මනින් ක්‍රියාවට නංවනු ඇති.
