මෙම ගොඩනැගිල්ල ගිලා බැසීම හේතුවෙන් එකම පවුලේ මව,පියා සහ මාස එකහමාරේ කුඩා දරුවෙකු මියගියා. ගොඩනැගිල්ල ගිලාබැසීමට ලක් වීමත් සමඟම අසල පිහිටි නිවසක් මතට කඩා වැටීමෙන් එම නිවසේ පුද්ගලයින් 05දෙනෙකු සුන්බුන් අතර සිර වී සිටියා. එයින් දෙදෙනෙකුගේ දිවි ගලවාගැනීමට හැකිවුණා.
කෙසේ වෙතත් මේ පිළිබඳව පරීක්ෂණ කිරීමේන් අනතුරුව අනාවරණය වී ඇත්තේ මෙම ගොඩනැගිල්ල නිසි ප්‍රමිතියකින් තොරව ඉදිකර ඇති බවයි. එම ගොඩනැගිල්ල අස්ථාවර භූමි ප්‍රදේශයක ඉදිකර ඇති බවත් භූමියේ පවතින විද්‍යාත්මක තත්ත්වයන්ට අදාළ ඉදි කිරීම සිදුකර නොමැති බවත් තොරතුරු වාර්තා වනවා. එසේම ගොඩනැගිල්ලේ අත්තිවාරමද නිසි ප්‍රමිතියට සකස් වී නොමැති අතර ජාතික ගොඩනැගිලි පර්යේෂණ සංවිධානය ලබාදෙන නිර්දේශයන්ටද අනුකූල නොවන පරිදි ගොඩනැගිල්ල ඉදිකර ඇති බවයි තොරතුරු අනාවරණය වන්නේ.
මෙමගොඩනැගිල්ලේ සිටි පුද්ගලයින් පිරිසක් අළුයම් කාලයේ දී එම ගොඩනැගිල්ලෙන් පිටවී ගොස් ඇති බවට ද තොරතුරු අනාවරණය වනවා.
භූමිය තව දුරටත් අස්ථාවර බැවින් එම ප්‍රදේශයේ පදිංචිකරුවන් වාසස්ථානවලින් ඉවත් කිරීමට කටයුතු කර තිබෙනවා.
