කොවිව් - 19 වසංගතය පැතිර යාමත් සමඟම වසා දැමුණු මෙරට පාසැල් අද සිට ආරම්භ වනවා. ඒ අදියර කිහිපයක් යටතේයි. එහි පළමු අදියර ලෙස අද ආරම්භ වන්නේ 5, 11 සහ 13 යන ශ්‍රේණිය. එයද නව සංශෝධන කාල සටහනකට අනුවයි.
ඒ අනුව 11 සහ13 ශ්‍රේණි උදේ 7.30 සිට සවස 3.30 දක්වා පැවැත්වීමට නියමිතයි. මෙහිදී සිසුන්ට විවේක කාලයන් දෙකක් ලබා දීමට තීරණය වී තිබෙනවා. එසේම 5 ශ්‍රේණියේ සිසුන් සඳහා උදේ 7.30 සිට 1.30 දක්වා පංති පැවැත්වීමට නියමිතයි.
අනෙකුත් ශ්‍රේණි අගෝස්තු 10 වන දින සිට ආරම්භ කිරීමට නියමිත බවයි වාර්තා වන්නේ.
