නිව්යෝක් හි පැවති උද්ඝෝෂණයක් අතර තුර අමෙරිකානු පොලිස් නිලධාරීන් වයස අවුරුදු 75ක පුද්ගලයෙකුට පහර දී තිබෙනවා. මෙම වයෝවෘද්ධ පුද්ගලයා බැටන් පොල්ලක් ආධාරයෙන් තල්ලු කර බිම හෙලන අයුරු එතන සිටි මාධ්‍යවේදියෙක් වීඩියෝගත කර සමාජ මාධ්‍ය වෙත මුදා හැර තිබෙනවා.
බිම වැටුණු පුද්ගලයාගේ කනෙන් ලේ ගලා යන අයුරුද එම වීඩියෝවේ දැක්වෙනවා.
මෙම පහරදීම සම්බන්ධයෙන් මේ වන විට පරීක්ෂණ ආරභකර ඇති අතර නිව්යෝක් පොලිස් දෙපාර්තමේන්තුව විසින් එම පහරදීම සිදු කල පොලිස් නිලධාරීන් දෙදෙනාගෙ වැඩ තහනම් කර තිබෙනවා.
පහර කෑ පුද්ගලයාගේ තත්ත්වය බරපතල බවයි විදෙස් මාධ්‍ය වාර්තා කරන්නේ.
