එසේම වලංගු වීසා කාලය අවසන්ව ඇති සියළුම දෙනාට එරටින් පිටත්වන ලෙස කුවේට් රාජ්‍ය නියෝග නිකුත් කර තිබෙනවා. ඒ සඳහා ලබා දුන් පොදු සමා කාලය ද අවසන් අදියරේ පසුවනවා.
කුවේට් රාජ්‍යයේ රැඳී සිටින බොහොමයක් පිරිසකට මේ වන විට කොරෝනා වෛරසය ආසාදනය වී ඇති බවත් 19000ක පමණ පිරිසක් වීසා අවලංගු වී එරට රැඳී සිටින බවත් තොරතුරු වාර්තා වනවා. ඔවුන්ගේන් වැඩි පිරිසක් පොදු සමාකාලයේ දී ලංකාවට පැමිණීමට අපේක්ෂාවෙන් සිටිනවා.
එරටින් ශ්‍රී ලංකාවට පැමිණෙන සියළුම දෙනාට කොරෝනා වෛරසය ආසාදනය වී තිබීමට වැඩි ඉඩ කඩක් ඇති බැවින් කුවේට් රාජ්‍යයෙන් මෙරටට පුද්ගලයින් ගෙන්වා ගැනීමේ දී ඉතා ප්‍රවේශමෙන් කටයුතු කළ යුතු බවයි රජයේ වෛද්‍ය නිලධාරීන්ගේ සංගමය පෙන්වා දෙන්නේ.
