නාවික හමුදා මාධ්‍ය ප්‍රකාශකවරයා කියා සිටියේ මෙම සෙබළුන් දෙදෙනා ඉකුත් අප්‍රේල් මාසයේ නිවාඩු ලබා ගොස් නැවත කඳවුරු වෙත කැඳවීමෙන් අනතුරුව පැමිණ ඇති බවත් මරදාන ප්‍රදේශයේ පිහිටි ස්ථානයක මාසයකට ආසන්න කාලයක් නිරෝධායනයට ලක් වූ අය බවයි.
ඉන්පසු ප්‍රථමයෙන් නිරෝධායනයට ලක්කළ පිරිස විජයග්‍රාහී සැමරුම් පෙළපාලියට අනුයුක්ත කිරීමට පෙර PCR පරීක්ෂණ වලට භාජනය කර තිබු අතර පසුව ඔවුන් දෙදෙනා කොරෝනා ආසාධිත බවට අනාවරණය වී තිබුණා.
කෙසේ වෙතත් අදාළ සෙබළුන් දෙදෙනා පුරා මාසයක කාලයක් නිරෝධායනයට ලක් කර පිටතට යා නොදී සමාජයට නිරාවරණය නොවී සිටි පසුබිමක කොරෝනා ආසාධිත වූ අයුරු සම්බන්ධයෙන් මෙතෙක් ප්‍රහේලිකාවක් බවයි නාවික හමුදා මාධ්‍ය ප්‍රකාශකවරයා සඳහන් කරන්නේ.
මේ හේතුවෙන් ඔවුන්ගේ ජෛව සාම්පල යළි වතාවක් PCR පරීක්ෂණයට යොමු කර ඇති බවත් අද (21) දිනය තුළදී එම වාර්තා ලැබෙනු ඇති බවත් ඔහු වැඩිදුරටත් කියා සිටියා.
