සංවිධානාත්මක කණ්ඩායමක් විසින් කප්පම් ගැනිම සඳහා ජංගම දුරකථන පදනම් කරගත් මුදල් හුවමාරු වංචාවක් මෙහෙයවන බව අනාවරණය වි ඇති බවයි වාර්තා වන්නේ.
පොලීසිය ප්‍රකාශ කරන්නේ වංචාකාර පුද්ගලයින් සමහර පිරිස් වෙත දුරකථන ඇමතුම් දි තර්ජනය කර ජංගම දුරකථන මුදල් හුවමාරු පද්ධති භාවිත කරමින් 25,000ක් හා 50,000 ආදි වශයෙන් මුදල් ලබා ගන්නා බවයි.
ඒ හේතුවෙන් මෙම වංචාවන් සම්බන්ධයෙන් ජනතාව දැඩි විමසිල්ලෙන් කටයුතු කළ යුතු බව ආරක්ෂක ලේකම්වරයා සඳහන් කර සිටිනවා.
මෙවැනි වංචාකාර පුද්ගලයින් ඔබ වෙතත් දුරකථන ඇමතුම් ලබා දි ඇත්නම් හා ළඟම ඇති පොලිසියට පැමිණිලි කරන ලෙසත් 119 අමතන ලෙස ආරක්ෂක අමාත්‍යාංශය මහජනතාවගෙන් ඉල්ලා සිටිනවා.
මෙම වංචාවන්ට ආදාළ පුද්ගලයින්ට ඉදිරියේ දි අමාත්‍යාංශය විසින් දැඩි නීතිමය පියවර ගන්නා බව ආරක්ෂක ලේකම්වරයා පවසනවා.
