නැවත දැනුම්දෙන තුරු සියලුම වී මෝල් හිමියන්ගේ සේවාවන් අත්‍යාවශ්‍ය සේවාවන් ලෙස ප්‍රකාශයට පත් කර තිබෙනවා. සහල් නිෂ්පාදනය, ගබඩා කිරීම හා බෙදාහැරීම මෙවන් ව්‍යසන අවස්ථාවක දී අත්‍යාවශ්‍ය බැවින් මෙම තීරණය ගෙන තිබෙනවා.
මෙට්‍රික් ටොන් මිලියන 03කට ආසන්න වී අස්වැන්නක් මේ වන විට ලැබී ඇති බවත් එයින් 2/3 ක ප්‍රමාණයක් සහල් තොග වශයෙන් පවතින බවත් ජනාධිපති මාධ්‍ය අංශය වැඩි දුරටත් කියා සිටිනවා.
අධික ලෙස සහල් මිල ඉහළ නැංවිම හෝ සහල් සැපයුම අඩාල කිරීම නිරෝධායන කටයුතුවලට අවශ්‍ය සුරක්ෂිතතාවයට දැඩි අවදානමක් ඇති කරන බවත් ජනතාව යම් රෝග නිවාරණයකට ලක් කර ඔවුන්ගේ නිවෙස්වලටම භාණ්ඩ ලබාදීමේ කාර්ය භාරයේ නිරත මේ මොහොත් දැඩි අවධානයක් සහ ප්‍රමුඛතාවක් දී කටයුතු කළ යුතු බවත් එම නිවේදනයෙන් දැනුම් දී තිබෙනවා.
