ඒ බොරලැස්ගමුව රත්නපිටිය විශ්ව විද්‍යාල පාරෙන් හමුවූ කොරෝනා ආසාධිතයාගේ පවුලේ අයගේ නිවස ආසන්නයේ පිහිටා ඇති මෙම විහාරස්ථානය වෙත අදාළ පවුල විසින් දහවල් දානය පිරිනමා ඇති බව අනාවරණය වීමත් සමඟ සෞඛ්‍ය වෛද්‍ය නිළධාරීන් මෙම තීරණය ගෙන තිබුණා.
මෙලෙස හමුවූ ආසාධිතයා වයස අවුරුදු 56ක පුද්ගලයෙක් වන අතර උණ සහ සෙම්ප්‍රතිශ්‍යාව සෑදීම හේතුවෙන් ඊයේ (20) දිනයේ දී ඔහු ශ්‍රී ජයවර්ධනපුර රෝහලට ඇතුලත්ව ඇති බවයි වාර්තා වන්නේ.
රෝහලට ඇතුලත් වීමෙන් අනතුරුව PCR පරීක්ෂණයක් සිදුකර ඇති අතර පසුව ඔහු කොරෝනා ආසාධිතයෙක් බවයි අනාරවරණය වී ඇත්තේ.
ආසාධිත පුද්ගලයා රෝහලට ඇතුලත් කිරීමට රැගෙන ගිය ඔහුගේ පුත්‍රයා ද එම රෝහලට ඇතුලත් කර ප්‍රතිකාර කරනු ලබන අතර එම පුද්ගලයාට මෙතෙක් රෝග ලක්ෂණ පෙන්නුම් කර නොමැති බව සඳහන් වනවා.
මේ වන විට රෝගියාගේ බිරිඳ ද නිවස තුල ස්වයං නිරෝධායනයට යොමුව ඇති අතර අද දිනයේ දී නිවස සහ විහාරස්ථානයේ භූමිය සහ අවට ප්‍රදේශය විෂබිජහරණයට ලක් කර ඇති බවයි වාර්තා වන්නේ.
