මෙම කඳවුර සොයගෙන ඇත්තේ ත්‍රස්ත විමර්ශන ඒකකය විසින් අත්අඩංගුවට ගෙන සිටින සාදික් නම් පුද්ගලයාගෙන් සිදු කරන ලද ප්‍රශ්ණ කිරීම් වලදියි.
මෙම පුද්ගලයා මාවනැල්ල බුදු පිළිමවලට හානි සිදුකළ සිද්ධියේ ප්‍රධාන සැකකරුවෙක් වන අතර ඔහු තුර්කිය හරහා සිරියාවට ගොස් IS පුහුණුව ලබා ඇති බවයි විමර්ශන වලදී අනාවරණය වී ඇත්තේ.
ආරක්ෂක අංශ පවසන්නේ අක්කර 15ක භුමි භාගයක ගොවිපලක් ලෙස ඉතා රහසිගතව මෙම කඳවුර පවත්වාගෙන ගොස් ඇති බවයි.
මෙම ඉඩම මාවනැල්ල ප්‍රදේශයේ පුජකවරයෙක්ට අයිති වන බවයි මේ වන විට වාර්තා වී ඇත්තේ.
කෙසේ වෙතත් මෙහි විශේෂත්වය වන්නේ පාස්කු ප්‍රහාරයෙන් වසරක් ගත වීමෙන් අනතුරුව මෙම ස්ථානය පිළිබඳ ආරක්ෂක අංශ හොයාගැනීම හේතුවෙනි.
