එය “COVID-19 සෞඛ්‍ය හා සමාජ සංරක්ෂණ අරමුදල” (COVID -19 Health Care and Social Security Fund) ලෙස නම් කර ඇත.
ජනාධිපතිතුමාගේ නියමයෙන් ජනාධිපති අරමුදල ඒ සඳහා රුපියල් මිලියන 100ක මුදලක් ප්‍රදානය කර තිබේ.
ලංකා බැංකුවේ ආයතන ශාඛාවේ වෙනම විශේෂ ගිණුමක් මේ සඳහා ආරම්භ කර ඇත.
ගිණුම් අංකය 85737373 වේ.
දේශීය, විදේශීය පරිත්‍යාගශීලීනට සෞඛ්‍ය හා සමාජ සංරක්ෂණ අරමුදලට මුදලින්
දායකවීමට පිළිවන. නිත්‍යානුකූල ගිණුම් මගින් අරමුදලට කෙරෙන පරිත්‍යාග මුදල්
බදු සහ විදේශ විනිමය රෙගුලාසිවලින් නිදහස් කෙරේ. චෙක්පත් හෝ ටෙලි ග්‍රාෆ්
සම්ප්‍රේෂණ මගින් මුදල් තැන්පත් කිරීමට පිළිවන.
ජාතිය මුහුණ පා සිටින
වත්මන් අභියෝගය හමුවේ මානුෂවාදී හැඟීමෙන් සහ සහෝදරත්වයෙන් එකට එක්ව ක්‍රියා
කරන්නැයි ජනාධිපතිතුමා ඉල්ලා සිටී.
දේශීය, විදේශීය සමාගම්වලට ද
අරමුදලට දායක වීමෙන් සෞඛ්‍ය හා සමාජ සංරක්ෂණය දිරි ගැන්වීමට හවුල් විය හැකි
මානුෂීය මෙහෙවරකින් සමස්ථ ප්‍රජාව දෙස බැලීමට ලැබූණු විශේෂ අවස්ථාවක් ලෙස
ජනාධිපති ලේකම් ආචාර්ය පී.බී. ජයසුන්දර මහතා විශ්වාස කරයි.
විදේශ
රාජ්‍යයන්, ජාත්‍යන්තර මූල්‍ය ආයතන, ශ්‍රී ලංකාවේ ප්‍රධාන පෙළේ දේශීය හා
විදේශීය සමාගම් මෙහි පුරෝගාමීත්වය ගනු අතැයි අපේක්ෂා කෙරේ.
2004 සුනාමි
ව්‍යසනයේ දී මෙන්ම 2009 මානුෂික මෙහෙයුම් අවසානයේ දී අපේ රටේ සමස්ථ ජනතාව
නැගී සිටියේ මෙවැනිම අයුරින් බව ඔහු ප්‍රකාශ කරයි.
