දඹුල්ල ගොවීන්ගෙන් එළවළු තොග රජය විසින් මිල දී ගනී

දඹුල්ල වෙළඳ මධ්‍යස්ථානය වෙත ගොවීන් විසින් අද එළවළු තොග ගෙනවිත් තිබුණත් ඒවා මිල දී ගැනීමට වෙළඳුන් නොමැති වීම නිසා කලබලකාරී තත්ත්වයක් ඇති වී තිබෙනවා.

ඉන්පසු එම එළවළු තොග මිල දී ගැනීමට රජය තීරණය කර තිබෙනවා. කිලෝ ග්‍රෑම් ලක්ෂ 10කට අධික ප්‍රමාණයක් රජය විසින් මිල දී ගත්තා.

ඒ අනුව ගොවීන්ගේ එළවළු තොග භාරගත් බවට බිල්පත් නිකුත් කරන ලෙස අමාත්‍ය ජනක බණ්ඩාර තෙන්නකෝන් මහතා ව්‍යාපාරිකයින්ට උපදෙස් දී තිබෙනවා. 

එම එළවළු තොග කොළඹ සහ ගම්පහ ප‍්‍රදේශවල  සුපිරි වෙළඳසැල් සහ සතොස හරහා ජනතාවට අලෙවි කිරීමට නියමිතයි.