මහවැලි සංවර්ධන අමාත්‍යාංශයට සහ වෙළෙඳ අමාත්‍යාංශයට අයත් ආයතනවල නිලධාරීන් සමග 24 පස්වරුවේ දී ජනාධිපති ගෝඨාභය රාජපක්ෂ මහතා සාකච්ඡාවක් පැවැත්වූවා. එහි දී අධික එළවළු මිල පාලනය කොට ගොවියා රැකෙන සහ පාරිභෝගිකයාට සහන සලසන වැඩපිළිවෙළක් වහාම සකසන්නැයි ජනාධිපතිවරයා එම නිලධාරීන්ට පවසා තිබෙනවා.
අධික එළවළු මිල ජීවන වියදම ඉහළ යාමට දැඩිව බලපා ඇති බවත් එය පාලනය කිරීමට කඩිනම් මැදිහත්වීමක් කළ යුතු බවත් ජනාධිපතිතුමා වැඩි දුරටත් එම නිලධාරීන්ට දන්වා තිබෙනවා.
යුද හමුදාවේ ද සහය ඇතිව රජයේ වී මිලදී ගැනීමේ ක්‍රියාවලිය ද සාර්ථකව ක්‍රියාත්මක වන අබ්වත් ප්‍රදේශ කිහිපයක වී ගබඩා අළුත්වැඩියා කර තිබෙන බවත් ජනාධිපතිවරයා කියා සිට්යා. එසේම සෙසු වී ගබඩා ද කඩිනමින් පිළිසකර කරන්නැයි ජනාධිපතිතුමා උපදෙස් දුන්නා.
