ඩෙංගු රෝගය මර්දනය කිරීම සඳහා ''වොල්බැකියා'' බැක්ටීරියාව පරිසරයට මුදා හැරීම එළඹෙන 02 වන දින සිදු කරන බව සෞඛ්‍ය අමාත්‍යාංශය පවසනවා. මෙම වැඩසටහන ක්‍රියාත්මක වන්නේ ඕස්ට්‍රේලියා රජයේ සහයෝගය ඇතුවයි.
මෙම බැක්ටීරියාව නිජබිම ඕස්ට්‍රේලියාව වන අතර ශ්‍රී ලංකාව ඇතුළු රටවල් 12ක ඕස්ට්‍රේලියානු රජය විසින් නියමු ව්‍යාපෘති ලෙස මෙම වැඩසටහන ක්‍රියාත්මක කරනු ලබයි.
පරිසරයේ තිබෙන ස්‌වාභාවික මදුරු ගහනයක්‌ වෙත Wolbachia බැක්ටීරියාව සහිත මදුරුවන් පිරිසක්‌ මුදාහැරිය හොත් එම මදුරු කණ්‌ඩායම් දෙක එක්‌ වී අභිජනනය කිරීමෙන් කාලයත් සමඟ Wolbachia සහිත මදුරුවන් සංඛ්‍යාව ක්‍රමයෙන් වැඩි වීමක් දක්නට ලැබෙනු ඇත. . එය ඩෙංගු රෝගය ඇතුළු Aedes aegypti මදුරුවන් ගෙන් බෝ වන රෝග බොහොමයක්‌ පාලනය කිරීමට ඉවහල් වනු ඇති බවයි පර්යේෂකයින් පවසන්නේ.
මෙම වැඩපිළිවෙල දී ද සිදු කරනු ලබන්නේ වොල්බැකියා බැක්ටීරියාව ශරිරගත කර ඇති මදුරුවන් පරිසරයට මුදා හැරීමයි.
