රන්ජන් රාමනායක රක්ෂිත බන්ධනාගාරගත කිරීමට උසාවියෙන් නියෝග

අනිසි ආකාරයට අධිකරණ විනිශ්චයකාරවරුන්ගේ රාජකාරි වලට බලපෑම් කිරීමේ චෝදනාවට අත්අඩංගුවට ගනු ලැබූ පාර්ලිමේන්තු මන්ත්‍රී රන්ජන් රාමනායක මහතා අද (15)  නුගේගොඩ මහේස්ත්‍රාත්වරයා හමුවට ඉදිරිපත් කළා.

එහිදී නුගේගොඩ මහේස්ත්‍රාත්වරයා නියෝග කර තිබෙන්නේ ඔහු මෙම මස 29 වෙනිදා දක්වා රක්ෂිත බන්ධනාගාර ගත කරන ලෙස යි.

මෙම මස 23 වෙනිදා කට හඬ පරීක්ෂණයක් සඳහා රන්ජන් රාමනායක මන්ත්‍රීවරයාව අපරාධ පරීක්ෂණ දෙපාර්තමේන්තුව හමුවට ඉදිරිපත් කරන ලෙස ද මෙහිදී නුගේගොඩ මහේස්ත්‍රාත්වරයා වැඩිදුරටත් නියෝග කර තිබෙනවා.