රජයේ ආයතන වලට ඉහළ තනතුරු සඳහා පත් කිරීමට ජනාධිපතිවරයා විසින් පත් කළ විද්වත් කමිටුව පසෙක තබා අද වන විට පවුලේ ඥාතීන් ඇතුළු හිතමිතුරන් පත් කිරීමට කටයුතු කරමින් සිටින බව ද ඔහු පවසනවා. ජනාධිපතිවරයා විසින් පත් කරන ලද විද්වත් කමිටුවක් පැත්තකට විසිකර නාමල් රාජපක්ෂ මහතාගේ මාමණ්ඩිය සහ රෝහිත රාජපක්ෂ මහතාගේ නැන්ද ශ්‍රී ලංකා ගුවන්තොටුපොළ සහ ගුවන් සේවා සමාගම අධ්‍යක්ෂ මණ්ඩල තනතුරු පිරිනමා ඇති බවයි මන්ත්‍රීවරයා පවසා සිටින්නේ.
රටේ යහපත් වෙනසක් බලාපොරොත්තුවෙන් ගෝඨාභය රාජපක්ෂ මහතා ජනාධිපති කරවූ ජනතාවගේ බලාපොරොත්තු මේ වන විට කඩ වී ඇති බවද ඔහු සඳහන් කරනවා.
