එසේම ලොවපුරා රටවල් 15 කින් නව කොරෝනා වෛරසය වැළදුණු රෝගීන් හමුවී තිබෙනවා. විශේෂඥයින් අනතුරු අඟවා තිබෙන්නේ මෙම වෛරසය ලොවපුරා පැතිරි යාම වැළැක්වීම සඳහා ලොව සියළු රටවල් වහාම චීන ජාතිකයින්ට සංචාරක සීමා පැනවීමට පියවර ගත යුතු ලෙසයි. . හොංකොං සරසවියේ විශේෂඥ පර්යේෂණ කණ්ඩායමේ ප්‍රධානී සඳහන් කර සිටින්නේ "මෙය ගෝලීය වසංගත රෝගී තත්ත්වයක් බවට පත්වීමට ආසන්න තත්ත්වයේ පසුවන්නේ. ඒ වෙනුවෙන් ලොව අනෙක් රටවල් චීන ජාතිකයින්ට සංචාරක සීමා පැනවීමට පියවර ගන්න අවශ්‍යයි" යනුවෙන්.
එම ප්‍රධානී වැඩි දුරටත් සඳහන් කර ඇත්තේ චීනයේ වුහාන් ප්‍රාන්තය කේන්ද්‍ර කර ගනිමින් පටන් ගත් මෙම වෛරසය දිනෙන් දිනම පැතිරෙමින් තිබෙන බවත් එය වැඩි ජනගහණයක් තිබෙන බිජිං, ශැන්හායි, චොංන්කින් ඇතුළු ප්‍රධාන පෙළේ නගරවලට පැතිරි යාමේ අවධානමක් තිබෙන බවත් ය.
දැනට වාර්තාවන රෝගීන් සංඛ්‍යාව සමග සංසන්දනය කිරිමේදී චීනය තුල පමණක් නව කොරෝනා වෛරසට ගොදුරුවූ පිරිස 44,000 ක් බවත් එය සෑම දින දෙකකට වරක් දෙගුණයකින් ඉහළ යා හැකි බවයි විශේෂඥ පර්යේෂණ කණ්ඩායම වැඩි දුරටත් සඳහන් කර තිබෙනවා.
