නමුත් ඊයේ රාත්‍රී මෙරටට පැමිණීමට නියමිතව සිටි විමුක්ති කුමාරතුංග තම තීරණය අත හැර දමා ඇති බව වාර්තා වනවා. ඒ අනුව ඔහු ශ්‍රී ලංකාවට ළඟා නොවන බව යි ආරංචි මාර්ග සඳහන් කරන්නේ.
එංගලන්තයේ ගුවන් ටිකට්පත් ආයතනයකින් වෙන් කර ගන්නා ලද ගුවන් ගමන් බලපත‍්‍රයකින් ශ්‍රී ලංකාවට පැමිණීමට නියමිතව සිටි විමුක්ති කුමාරතුංග බණ්ඩාරනායක පවුලේ සමීපතමයන් ගෙන් එල්ල වූ විරෝධය හේතුවෙන් එම තීරණය අත් හැර දැමූ බවයි වාර්තා වන්නේ.
සුනේත්‍රා බණ්ඩාරනායක මහත්මිය මහත්මිය ඊට සෘජු ලෙසම විරෝධය පළ කර තිබෙන බව සඳහන්.
එම හේතුව මුල් කරගනිමින් විමුක්ති කුමාරතුංග සිය ගුවන් ටික පත් අවලංගු කර ගනිමින් තවදුරටත් එංගලන්තයේ රැඳී සිටීමට තීරණය කර තිබෙනවා.
විමුක්ති කුමාරතුංග මහතා ලංකාවට පැමිණෙන බව සඳහන් කරමින් ශ්‍රී ලංකා නිදහස් පාක්ෂිකයන් කැඳවීමට ගත් උත්සාහය පිළිබඳව බණ්ඩාරනායකට පවුලට හිතවත් විවිධ පාර්ශ්වයන්ගෙන් ප්‍රබල විරෝධයක් ගොඩ නැගෙමින් පවතී.
ඊයේ සවස කොළඹ තදාසන්න ප්‍රදේශයක තරු පහේ හෝටලයකට රැස් වූ බණ්ඩාරනායක පවුලේ හිතවාදීහු විමුක්ති මෙරටට පැමිණීම පිළිබඳව සිය විරෝධය පළ කර ඇතැයි පවුලේ සමීප ආරංචි කියා සිටිනවා.
