ජනාධිපතිවරණය ලංවෙත්ම ඇතිවන මැතිවරණ උණුසුම එන්න එන්නම වැඩි වෙමින් පවතිනවා. බොහොමයක් සමාජ මාධ්‍ය අන්තර්ජාලය තුළ ඡන්දයට කලින්ම ජනතාවගේ මතය කුමක්ද යන්න විමසුමට ලක් කරන්නේ මේ මැතිවරණ උණුසුම නිසාමයි. ඒවායිනුත් ඇතැම් මනාප පළ කිරීම් සිදුවන්නේ ඒ ඒ පක්ෂයන්ට අවශ්‍ය ආකාරයට. සමහරවිට එක් පක්ෂයකින් ලබා දුන් මුදල් ප්‍රමාණය අනුව ඒ පක්ෂයට වැඩි මනාප ප්‍රමාණයක් ලබා දීමට තමයි බොහෝ දෙනා කටයුතු කරන්නේ.
gossiplanka.com වෙබ් අඩවිය තුළ ද මේ ආකාරයෙන්ම ජනතාවගෙ මත විමසුමක් මේ දිනවල සිදු කරනු ලබනවා. නමුත් මෙහි ඇති සුවිශේෂත්වය වන්නේ කිසිම වංචාවකින් තොරව නියම ජනතා මනාපය එනම් එක් එක් පාක්ෂිකයාට ලැබෙන සත්‍ය මනාප ප්‍රමාණය ගණනය වීමයි. මෙහි දී තාක්ෂණික දැනුම උපයෝගී කරගෙන ව්‍යාජ ලෙස යොදන මනාපයන් ප්‍රතික්ෂේප කිරීමට ද හැකියාව තිබෙනවා.
රටක් භාරගැනීමට සිටින ජනාධිපති අපේක්ෂකයෙකු මෙවන් ක්‍රියාවක් සිදු කිරීම අනුමත කළ හැකිද? මනාප ප්‍රමාණයන් ව්‍යාජ ලෙස වෙනස් කරමින් ජනතාවගේ මතය වෙනස් කිරීමට උත්සාහ කරන අදාළ පාක්ෂිකයා පිළිබඳව සියළු තොරතුරු සාක්ෂි සමඟින් නුදුරු දිනක දී ඉදිරිපත් කිරීමට gossiplanka.com සූදානම්. විපරමින් සිටින්න.
