ජනාධිපතිවරණ ඡන්ද විමසීමේ කාල සීමාව දීර්ඝ කෙරේ

ජනාධිපතිවරණයේ ඡන්ද විමසීම පැවැත්වීමේ කාලය  පෙරවරු 07.00 සිට පස්වරු 05.00 දක්වා සිදු කිරීමට මැතිවරණ කොමිෂන් සභාව තීරණය කර තිබෙනවා.

ඒ අනුව  ඡන්ද විමසීම පැයකින් දීර්ඝ වනු ඇති බවයි සඳහන් වන්නේ. ඊට අදාළ  ගැසට් නිවේදනය අද(29) රාත්‍රියේ නිකුත් කෙරෙනු ඇති.

මේ අතර දේශපාලන පක්ෂ නියෝජිතයින් සහ මැතිවරණ කොමිෂන් සභාවේ සාමාජිකයින් අතර සාකච්ඡාවක් අද පෙරවරුවේ පැවැත් වූ බව සඳහන්.