මෙයට ප්‍රධානම හේතුව වී ඇත්තේ ශ්‍රී ලංකා නිදහස් පක්ෂයේ 68 වැනි සම්මේලනය අමතමින් ජනපති මෛත්‍රීපාල සිරිසේන මහතා කළ කථාව බව ආරන්චි මාර්ග පවසනවා. මෙමෙ කතාව හේතුවෙන් ආණ්ඩු පක්ෂය හා ප්‍රධාන විපක්ෂය යන දෙපිළේම දේශපාන අර්බුද මතුව ඇති බවටයි වාර්තා වන්නේ.
එමෙන්ම ඉදිරි ජනාධිපතිවරයාට වැඩි බලයක් න්මැති බව පවසා ප්‍රබල අගමැතිවරයෙකු ඇතුළු ආණ්ඩුවක් බිහිකර ගැනීමට කටයුතු කළ බව හා තමාට මෙන් හා තම පක්ෂයට අවුරුදු 68ක් බැවින් තමාද පරිණත පුද්ගලයෙක් බව පැවැසීම තුළ 2020 ආණ්ඩුව පිහිටුවීම හා අගමැතිධුරය ලබාගැනීමේ සැලසුමක් ඔහු සතුව ඇත්දැයි පොදුජන පෙරමුණ ඇතුළු එම පක්ෂයේ ප්‍රධානීන් අතර සාකච්ඡා වී ඇතැයිද වාර්තා වනවා.
එසේම ජනාධිපති අපේක්ෂක ගෝඨාභය රාජපක්ෂ මහාතාගේ මැතිවරණ ව්‍යාපාරයට මේ හේතුවෙන් යම් බලපෑමක් ඇතිවිය හැකිද යන්න පිළිබඳවද ඔවුන් අතර සාකච්ඡා වි තිබෙනවා. කෙසේ වෙතත් ඉදිරි දේශපාලන ජයග්‍රහණ්‍ය ලබා ගැනීම සඳහා ශ්‍රි ලංකා නිදහස් පක්ෂයේ සහාය ලබාගැනීම වැදගත් බවද ශ්‍රී ලංකා පොදුජන පෙරමුණ තුළ සාකච්ඡා වී ඇතැයිද දේශපාලන ආරංචි මාර්ග වැඩිදුරටත් සඳහන් කරනවා.
'අද' ඇසුරින්
