හිටපු ආරක්ෂක ලේකම් සහ හිටපු පොලිස්පති අත් අඩංගුවට ගැනීමට නියෝග කෙරේ

හිටපු ආරක්ෂක ලේකම් හේමසිරි ප්‍රනාන්දු සහ හිටපු පොලිස්පති පුජිත් ජයසුන්දර වහාම අත්අඩංගුවට ගෙන අධිකරණයට ඉදිරිපත් කරන ලෙස නීතිපති ජනාධිපති නීතිඥ දප්පුල ද ලිවේරා මහතා වැඩබලන පොලිස්පති වරයාට අද (01) නියෝග කර තිබෙනවා. ඒ පසුගිය අප්‍රේල් මස 21 වෙනිදා එල්ලවූ පාස්කු ඉරිදා බෝම්බ ප්‍රහාරය සම්බන්ධයෙන් තොරතුරු දැනගෙන ඒ පිලිබදව නිසි පියවර නොගැනීම සම්බන්ධයෙන්.

නීතිපතිවරයාගේ සම්බන්ධිකරණ නිලධාරිනි රජයේ අධිනීතිඥ නිශාරා ජයරත්න මෙනවිය ප්‍රකාශ කර සිටියේ නීතිපතිවරයා මේ සම්බන්ධයෙන් වන නියෝගය අද සවස වැඩබලන පොලිස්පතිවරයාට නිකුත් කළ බවයි.