කාසිය වාසිය දිනූ ශ්‍රී ලංකා කණ්ඩායම පළමුවෙන් පන්දුවට පහර දෙමින් කඩුළු 8ක් දැවී ලකුණු 314ක් ලබා ගැනීමට සමත් වුණා. පිළිතුරු ඉනිම ක්‍රීඩා කළ බංගලාදේශ කණ්ඩායමට ලබා ගත හැකි වූයේ සියළු දෙනා දැවී ලකුණු 223ක් පමණි.
තරඟට අවසානයේ ඉතා හැඟීම්බර කතාවත් ඉදිරිපත් කළ ලසිත් මාලිංග තමාට ක්‍රිකට් ජීවිතයට පිවිසීමට අත හිත දුන් සියල්ලන් වෙත ස්තූතිය පුද කර සිටියා.
" මම 2004 ක්‍රිකට් පිටියට එනකොට මට කවුරුත් හිටියේ නෑ. ඒත් අද මේ මං එක්කලා ඉන්න ඔයගොල්ලො දකිනකොට මට හිතෙනවා මම මාර පොරක් වෙලා කියලා. " මාලිංග කතාව පටන් ගත්තේ ඒ විදියට.
තම කතාව අවසානයේ දී ලසිත් මාලිංග තමන්ව්ගේ ක්‍රිකට් ජීවිතයේ හැරවුම් ලක්ෂය වූ චම්පක රාමනායක වෙනුවෙන් විශේෂ සමරු තිළිණයක් ප්‍රදානය කළා. ක්‍රීඩා අමාත්‍ය හරීන් ප්‍රනාන්දු විසින් ලසිත් මාලිංග වෙත විශේෂ කුසලානයක් පිරිනැමුවා.
