කළු සහ කැළණි යන ගංඟාවල ජල මට්ටම් තවදුරටත් ඉහළ යමින් පවතිනවා. මුද්දූව ජල මාපකයේ අගය මීටර් 7.5 ඉක්මවීම හේතුවෙන් කළු ගඟ රත්නපුර ප‍්‍රදේශයෙන් පිටාර ගැලූ බවයි ආපදා කළමණාකරණ මධ්‍යස්ථානය පැවසුවේ. මෙම තත්ත්වය සම්පූර්ණයෙන් පහව යන තුරු අවට ජනතාවට ආරක්ෂිත ස්ථානවල රැඳී සිටින ලෙස දන්වා තිබෙනවා.
ඉංගිරිය, දොඩම්ගොඩ සහ මතුගම යන ප්‍රදේශවලට ද මාතර දිස්ත්‍රික්කයේ පිටබැද්දරටද ගාල්ල දිස්ත්‍රික්කයේ නෙළුව ප්‍රදේශයට ද නාය යාමේ අනතුරු අඟවා තිබුණා. නාය යාමේ ලක්ෂණ පිළිබඳ විශේෂ අවධානයෙන් පසුවන ලෙස ජනතාවට දැනුම් දී තිබෙනවා.
