එංගලන්ත නවසීලන්ත අවසන් මහා තරඟයට පන්දුව ආවේ අහසින් - VIDEO

නවසීලන්තය සහ එංගලන්තය අතර පැවැත් වූ ක්‍රිකට් ලෝක කුසලාන අවසන් මහා තරඟයට යොදා ගන්නා පන්දුව ක්‍රීඩා පිටියට ආවේ වෙනස්ම ආකාරයකට. එය ලෝඩ්ස් ක්‍රීඩාංගනයට ආ ආකාරය සම්බන්ධයෙන් ලොව පුරා ක්‍රීඩා ලෝලීන්ගේ අවධානය වඩාත් යොමු වුණා.

" Red Devils" නමින් හඳුන්වනු ලබන බ්‍රිතාන්‍ය යුධ හමුදාවේ පැරෂුට් සංදර්ශන කණ්ඩායමේ භටයින් විසින් ලෝක කුසලාන තරඟයට යොදා ගනු ලබන පන්දුව ලෝර්ඩ්ස් ක්‍රීඩා පිටියට රැගෙන ආවේ ගුවන් මාර්ගයෙන්. එසේ රැගෙන ආ පන්දුව තරගයේ සිව්වැනි විනිශ්චකරු වන අලීම් ඩාර් වෙත භාර දෙනු ලැබුවා.

" Red Devils" බලගණයේ නිලධාරීන් පිරිසක් ලන්ඩනයට ඉහළ අහසේදී අවසන් තරගයට යොදා ගන්නා පන්දුවද රැගෙන පැරෂුට් ආධාරයෙන් ලෝර්ඩ් ක්‍රීඩා පිටියට පැමිණෙන විට රැස්ව සිටි ක්‍රීඩා ලෝලීන් අමන්දානන්දයට පත්වූ බවයි විදෙස් මාධ්‍ය වාර්තා කර සිටියේ.