පාර්ලිමේන්තුවට පැමිණෙන සහ පිටවන මෙන්ම නවතා ඇති රථ වාහනවල අංක පවා පැහැදිලිව හඳුනා ගත හැකි වන පරිදි පාර්ලිමේන්තු සංකීර්ණයේ ආරක්ෂාව වෙනුවෙන් නවීන තාක්ෂණයෙන් යුතු ආරක්ෂක කැමරා පද්ධතියක් සවි කිරීමට තීරණය කර තිබෙනවා. ඒ සඳහා වැයවන මුදල රුපියල් මිලියන 110ක්. පාර්ලිමේන්තු සංකීර්ණයේ ආරක්ෂක කැමරා පද්ධතිය වසර 10ක් පැරණි බවත්, මෙම නවීන ආරක්ෂක කැමරා පද්ධතිය නූතන තාක්ෂණය සහිතව නිර්මාණය කර ඇති බවත් වාර්ත වනවා.
වේත්‍රධාරී නරේන්ද්‍ර ප්‍රනාන්දු පවසා සිටින්නේ ඊට අදාළ කටයුතු පෞද්ගලික ආයතනයක් හරහා මේ වන විටත් සිදුකරමින් පවතින බවයි.
මෙම කැමරා පද්ධතිය මඟින් පාර්ලිමේන්තුවට යන එන පුද්ගලයින්ගේ මුහුණු ද නිසි පරිදි හදුනාගත හැකි වනු ඇති. මෙම නව ආරක්ෂක කැමරා පද්ධතිය ලබන ඔක්තෝම්බර් මාසය වන විට සක්‍රිය කිරීමට නියමිතයි.
