නවතම වාර්තා වලට අනුව සැක කටයුතු සිසේරියන් සැත්කම් සම්බන්ධයෙන් බදුල්ල මහ රෝහලටද පැමිණිලි ලැබී තිබෙන බව සඳහන්. හිල්මි සාලි නමැති වෛද්‍යවරයෙකු විසින් සිදු කරන ලද සිසේරියන් සැත්කම් වලින් පසු තමන්ට දරු උපත් නැති වූ බවට පැමිණිලි කරමින් පස්සර සහ ඇල්ල ප‍්‍රදේශවල කාන්තාවන් දෙදෙනෙකු බදුල්ල මහ රෝහලේ අධ්‍යක්ෂවරයා වෙත ඊයේ (31) පස්වරුවේ පැමිණිලි ඉදිරිපත් කළා.
මේ අතර සැක කටයුතු සිසේරියන් සැත්කම් සිදුකළ බවට චෝදනාවට ලක්ව සිටින වෛද්‍ය සෙයිගු සියාබ්දීන් මොහොමඞ් සාෆි සම්බන්ධයෙන් අපරාධ පරීක්ෂණ දෙපාර්තමේන්තුව විමර්ශන සිදුකරනවා. කුරුණෑගල ශික්‍ෂණ රෝහලේ ප‍්‍රසව හා නාරිවේද විශේෂඥ වෛද්‍යවරයාගෙන් ඊට අදාළව අපරාධ පරීක්ෂණ දෙපාර්තමේන්තුව ප‍්‍රකාශයක්ද ලබාගෙන තිබෙනවා.
