පහර කෑමට ලක්ව ඇත්තේ මෙරට ලියා පදිංචි බහු දින යාත්‍රා වන සෙහාන් සෙනුර, සදලි, සුභාෂි, ක්ලෝඩියා, ඊශානි, රූටි බබා, රාංකුරුල්ලා, හිරුණි 01 යන ධීවර යාත්‍රා බවට ගුවන් සංඥා මගින් කරන ලද විමසීම් වලදී හදුනා ගෙන තිබෙන අතර මෙරට ලියාපදිංචි විදේශීය රටවල් වලට අයත් නැව් වලින් මෙම පහර දීම් සිදු කරන බවට සමස්ථ ලංකා බහුදින යාත්‍රා හිමියන්ගේ සංගමය චෝදනා කරනවා.
මෙම පහර දීම සිදු කර ඇත්තේ ජාත්‍යන්තර මුහුදේ මසුන් බහුලව සිටින ස්ථානයකදී බව වාර්තා වනවා. පහර කෑ ධීවර යාත්‍රා වල මෙරට ධීවරයින් 70 ක් පමණ සිටින බවද සඳහන්. ඊයේ (23) දිනයේදී නැව් වල සිට යකඩ කැබලි වලින් පහර දීම හේතුවෙන් එක් බහු දින යාත්‍රාවක සිටි ධීවරයින් තිදෙනෙකුද තුවාල ලබා ඇති බව ද ඔවුන් පවසනවා.
මේ සම්බන්ධයෙන් බහුදින යාත්‍රා හිමියන්ගේ සංගමය විසින් ධීවර දෙපාර්තමේන්තුවට,වෙන්නප්පුව සහ මාරවිල පොලීසිය වලටද පැමිණිළි කර තිබෙනවා.
