ඉදිරියේදී අයි.එස් ත්‍රස්තවාදීන්ද එවැනි හමුදා නිළ ඇඳුම් ඇඳගෙන රට තුල කිසියම් කඩාකප්පල්කාරී ක්‍රියාවල නිරතවීමට ඉඩ ඇති බවත් එවැනි ඇඳුම් භාවිතා නොකරන ලෙස රජය මෙරට සියලු සිවිල් ජනතාවට යම් අවවාදයක් දුනහොත් ත්‍රස්තවාදීන්ගෙන් එල්ලවන එකී කඩාකප්පල්කාරී ක්‍රයාවන් අවම කරගැනීමට හැකියාව ලැබෙන බවද ඒ මහතා පවසයි. එල් ටී ටී ඊ ත්‍රස්තවාදය පවතී කාලවකවානුවේදී සිවිල් පුද්ගලයන්ට එවැනි ඇඳුම් ඇඳීම තහනම් බව එවකට පැවති රජයන් මගින් නීති පනවා තිබු බවද ඒ මහතා පෙන්වා දෙයි. මේ සම්බන්ධයෙන් අදහස් දක්වන ඒ මහතා වැඩිදුරටත් පෙන්වා දෙන්නේ රටේ දැනට පවතින අවදානම් තත්වය සැලකිල්ලට ගෙන මෙරට සිවිල් ජනතාවද එවැනි ඇඳුම් ඇඳගෙන ගමන් බිමන් යාමෙන් වැළකී සිටීමට වග බලා ගත යුතු බවය.
