මෙයට ප්‍රධාන හේතුව වී තිබෙන්නේ 2020 එජාප පොදු අපේක්ෂකයා ලෙස කුමාර් සංගක්කාර ඉදිරිපත් වනු ඇතැයි බොහෝ දෙනාගේ මතය වීමය.
ඇමති රාජිත සේනාරත්න ප්‍රසිද්ධව සිටින්නේ එක්සත් ජාතික පක්ෂයේ දේශපාලන සැලසුම් සහ ඉදිරි අපේක්ෂකයන් පිළිබඳ තීරණ ගන්නා ඉදිරිපෙළ නායකයෙකු ලෙසයි. කෙසේ වෙතත් සාකච්ඡාවක් පිළිබදව අමාත්‍ය රාජිත සේනාරත්න මාධ්‍යයට අදහස් දක්වමින් ප්‍රකාශ කර තිබෙන්නේ තමන් සහ කුමාර් සංගක්කාර අතර ඉකුත්දා පැවති සාකච්ඡාව කිසිදු දේශපාලන කරුණක් සම්බන්ධයෙන් පැවැත්වූ එකක් නොවන බවයි. තවද වැඩිදුරටත් අදහස් දක්වමින් අමාත්‍යවරයා ප්‍රකාශ කළේ කුමාර් සංගක්කාර විසින් ඉදිරිපත් කෙරුණු සෞඛ්‍ය ප‍්‍රවර්ධන යෝජනාවක් සම්බන්ධයෙන් එම සාකච්ඡා සිදු කෙරුණු බවය.
