මහියංගනයේ කැලෑවක් මැද
අතරමංව සිටි මහළු මවට
පිහිට වුණු උතුම් පොලිස් නිළධාරියා
රාජකාරී නිමකර නිවස බලා එමින් සිටි පොලිස් නිළධාරියෙකු බදුල්ල මහියංගනය ප්‍රධාන මාර්ගයේ 19 වැනි කිලෝමීටර් කණුවට නුුදුරින් පිහිටි මහ වන ලැහැබක අතරමංව සිටි වයෝවෘද්ධ මවක් දැක ප්‍රධාන මාර්ගයට උසුලාගෙන පැමිණ ඇයට ආහාර පාන ලබාදීමට කටයුතු කර තිබෙන අතර තවද මෙම සත්ක්‍රියාව සිදු කිරීමට
ප්‍රදේශවාසීන්ගේද සහය නොමදව ලැබී තිබෙනවා.
මෙම කාන්තාව මෙලෙස වනයේ අතරමංවීමට හේතුවත් සොයා ගෙන නැතත් ඇය පවසන්නේ පසුගියදා ඇය මාර්ගයේ ගමන් කරමින් සිටියදී කිසියම් පිරිසක් විසින් තමන්ව කැළයට ඇද දැමූ බවය. මෙම මහළු කාන්තාව රැය පහන් වන තුරු වැස්සට තෙමෙමින් අධික කුසගින්නේ සිට ඇති අතර ආහාර පාන ලබා දුන් පොලිස් නිළධාරියාට සහ ගම්වාසීන්ට පිං දෙමින් ඇය එම ආහාර අනුභව කර තිබෙනවා.
ඇය යම්කිසි මානසික රෝගයකින් පෙළෙන බව ඇය හැසිරෙන ආකාරයෙන් හෙළිවන බවද එසේම ඇයගේ නම ගම හෝ වෙනත් අනන්‍යතාවයක් ප්‍රකාශ කිරීමට නොහැකි වූ බවද එම ස්ථානයේ සිටි පිරිස් ප්‍රකාශ කර ඇත. පසුව පොලිස් හදිසි ඇමතුම් අංශයට අමතා මෙම කාන්තාව ප්‍රථිකාර සඳහා බදුල්ල මහ රෝහලට ඇතුලත් කර තිබුණා.
